الحكاية الثانية
لو فاتتك الحكاية من أولها أعرفها من هنا
#كاشف_الحكاية
لو عايز تبص على الحكاية اللى فاتت من هنا
إنطلق السواق بعدما نجحت حيلته فى الحصول على نص جنيه زيادة
من كل راكب
وشغل كاسيت العربية على الفلاشة اليتيمه اللى
معه واللى بيبدلها كل فتره مع سواق زميل
على الخط
واللى بيبقى فى أولها قرآن لزوم الإصطباحه
ثم
مهرجانات لزوم ال
Need 4 Speed
Need 4 Speed
والصحصحه
على كوكتيل حزين لزوم الموووود
على حتة للست لزوم السلطنه مع السيجاره
وخصوصا باليل لما السكة تكون سالكه على الكورنيش
وطبعا الركاب لازم تسمع إجبارى وإلا تدخل فى
حوارات عقيمة يهدد فيها السواق أنه يرجع لك الأجره وتنزل
وطبعا انا موجود فى التابلوه يعنى جانب
الكاسيت
يا معااااالجى اللى هينفجر من الصداع
مفيش دقيقتين ولاقيت إيد السواق بتسحبنى
قلت هيييييييييييييه أخيرا هأخلص من الدوشة
اللى أنا فيها
أخد معى 2 جنيه زمايل فى الكفاح برضه بس
شكلهم كبير فى السن يعلوا على معدنهم صدى السنين
بصيت على تاريخ ميلادهم أكتشفت أنهم أصغر منى
ياااااااااااااااااااه إيه الشعب ده
مش بيحافظ على نعمة الفلوس
ده المال والبنون زينة الحياة الدنيا
ليه يا ربى مخلقتنيش ريال أو حتى سنت كنت عشت
فى مكان أحسن من ده
المهم
السواق أخدنا على خمسة جنيه وعشرة جنيه ونزل
من العربية
خير اللهم أجعله خير
هيمون العربية ولا هيجيب فطار ولا إيه الحوار
راح لواحد واقف على الرصيف بفترينة ألوميتال
و زجاج
إييييييه ده
لااااااااااااااااا
سجاير !!!
أنا شربت سجاير يا سعاد
دفعنا للراجل وخد علبة السجاير ومشى
الراجل حدفنا فى صندوق كارتون مع زمايلنا
وقعد جانبنا يكمل السيجارة المشتعله بين
أصابعه ويكح كل شويه
انت يا عم الجدع أنت
العقل زينة برضه
يعنى السيجارة مبهدلاك وأنت لا مؤاخذه ......
ولا
بلاش ليكون فيه بنات بتقرأ قصتى ولا حاجه
يعنى بتضيع فلوسك وصحتك اللى ربنا هيسألك
عنهما يوم القيامة مقابل إيه؟
والله أنت راجل أهبل
أنا عارف أن فيه قارئ الوقتى زعل منى ومش
عايز يكمل
لأن الكلمة وجعته
وهيقعد الوقتى يطلع ميت سبب عن فوائد التدخين
أنا أه جنيه بس معلش لو حد فكر يحرقنى بالنار
أطلع عين ا....................
الجمل J
أيها المدخن
اللى أنت بتعمله وأنت مولع السيجاره
أنك
بالضبط بتحرق فلوس
طب بالله عليك يا راجل
لو شفت واحد ماسك فلوس ورق فى الشارع بيولع
فيها ويشم دخانها هتقول عليه إيه؟
أحسبها كده
أنت بتروح تشترى سجاير اللى سعرها الوقتى
تقريبا 20 جنيه للعلبه
واللى فيها 20 سيجاره
يعنى كل سيجارة بجنيه
يعنى كل سيجارة بتولعها بتحرق جنيه
ده شغل ناس عاقلين !!!
وفى الأخر هتروح تدفع فلوس علشان تتعالج من
البلاوى بتاعت التدخين
يعنى أهبل وش والمفروض الناس لا تعطيك فلوسهم
ربنا بيقول
لأنهم مش هيحسنوا التصرف فيها وأنتم هتتحاسبوا علينا
أسيبكم الوقتى لأنى تيارى بقى عالى ومعالجى صدع والدخان تعب لى بوردتى
وهأرجع لكم تانى أشوف تعليقاتكم على موضوع السجاير ده
وأكملكم رحلتى
تابعونا على صفحة الفيس بوك
ليست هناك تعليقات:
إرسال تعليق